ഈ മാസം 12ന്‌ മറൈന്‍ ഡ്രൈവില്‍ കെട്ടിടം തകര്‍ന്ന്‌ മരിച്ച രണ്ട്‌ ഒറീസക്കാരുടെ ബന്ധുക്കള്‍ കലക്ടറുടെ സാന്നിധ്യത്തില്‍ കെട്ടിട ഉടമയുമായി നടത്തിയ ചര്‍ച്ച പ്രകാരം മൂന്നുലക്ഷം രൂപ നഷ്ടപരിഹാരം നല്‍കാന്‍ തീരുമാനമായി. എന്നാല്‍ ചര്‍ച്ചക്ക്‌ ശേഷം കെട്ടിട ഉടമ തീരുമാനം മാറ്റി. ഇതേ തുടര്‍ന്ന്‌ നാടകീയമായ ചില സംഭവങ്ങള്‍ക്ക്‌ കൊച്ചി സാക്ഷിയായി.
തൊഴിലാളികളും മരിച്ചവരുടെ ബന്ധുക്കളും ശവശരീരവുമായി കെട്ടിട ഉടമയുടെ വീട്ടിലേക്ക്‌ മാര്‍ച്ചു നടത്തുകയും അത്‌ തടഞ്ഞ പൊലീസ്‌ ലാത്തിവീശുകയും തുടര്‍ന്ന്‌ ചിലരെ അറസ്റ്റ്‌ ചെയ്യുകയും ചെയ്തു.
മരിച്ച രഞ്ജിത്ത്‌ ഭായിയുടെ സഹോദരന്‍ രാജന്‍ ഭായി ഈ സംഭവത്തില്‍ മനംനൊന്ത്‌ ഇടത്തെ കൈഞ്ഞരമ്പറുത്ത്‌ ആത്മഹത്യക്ക്‌ ശ്രമിച്ചു...
മരണത്തിന്റെ ഗന്ധത്തോടൊപ്പം ചന്ദനത്തിരിപുകച്ച്‌ ശവശരീരത്തോടൊപ്പം തന്റെ നിസഹായത ഓര്‍ത്ത്‌ വിലപിക്കുന്ന ഒരു സഹോദരന്റെ ചിത്രം ക്യാമറക്കൊപ്പം മനസിലും പതിഞ്ഞപ്പോള്‍....
